Eskohitza blog komunitate bat da, Eskoriatzako blogariek euren blogak sortu ahal izateko eta elkargune digital bat eratzeko. Mota guztietako blogez gain, Eskohitzan bideoak, artikulu aipagarriak, herriko ekitaldi desberdinen agenda, loturak, eta abar aurkituko dituzu.

Baina zer da blog komunitate bat? Blog ugari biltzen dituen leku bat, eta Interneteko euskal munduan baditugu blog komunitateen beste adibide ugari: larrabetzu.org, eibar.org, goiena.net, uztarria.com, ...

Baina eta zer da blog bat? Wikipediaren arabera blog edo weblog bat ohar, istorio edo artikuluak argitaratzen diren Interneteko webgune bat da. Blogariak mezuak egunkari edo bitakora moduan idazten ditu eta hauek kronologikoki argitaratuz doaz bere blogean.

Gure blog komunitateko kide izan nahi baduzu, eta gure herriarekin loturaren bat baduzu (Eskoriatza inguruan jaio, bizi, lan egin, ...), zure bloga sortzeko aukera daukazu. Egin behar duzun bakarra bloga sortzeko inprimakian zure datuak sartu eta gu zurekin kontaktuan jarri arte itxoitea da. Hauek dira eskatuko dizkizugun datuak:

• Izen-abizenak
• Blogaren izena eta deskribapen txiki bat
• Gure herriarekin daukazun lotura
• E-posta (e-mail) helbidea

Animatu Eskohitzan blog bat sortzera!

• Aipagarriak eta Bideoak ataletako eduki gehienak beste leku batzuetatik hartuta daude (begiratu iturria kasu bakoitzean), mota honetako edukiek jatorrizkoak daukan lizentzia bera daukate.
• Blog edo mediablog bakoitzeko edukiak bere egileak aukeratzen duen lizentziapean daude, hasiera batean Creative Commons 3.0 Aitortu-PartekatuBerdin gomendatzen diegun arren.
• Webguneko gainontzeko edukiek Creative Commons 3.0 Aitortu-PartekatuBerdin lizentzia daukate.

Eskohitza proiektua aurrera eraman duena Eskoriatzako Aitzorrotz Kultur Elkartea da. Elkarte honek gure herrian kultura ekintza ugari antolatzen ditu, eta Inkernu taberna kudeatzen du. Guri buruz gehiago jakin nahi baduzu, bisitatu Aitzorrotz Kultur Elkartearen bloga, bertan izango duzu gure ekimen eta ekitaldien berri. Aitzorrotz Kultur Elkartearekin harremanetan jarri nahi baduzu, idatzi mezu bat aitzorrotz (abildua) eskohitza (puntu) com helbidera.

Webgunea Ibai Oihangurenek garatu du.

Logotipoa eta goiburua Naiara Errastik diseinatu ditu.

Gurekin harremanetan jartzeko biderik zuzenena eta errazena gure helbide elektronikora mezu bat bidaltzea da: admin (abildua) eskohitza (puntu) com. Ahalik lasterren erantzungo dizugu.